ನವದೆಹಲಿ: ಭಾರತದ ಸ್ಟಾರ್‌ ಸ್ಪ್ರಿಂಟರ್‌ ದ್ಯುತಿ ಚಂದ್(Dutee Chand) ಅವರು ಸುಪ್ರೀಂ ಕೋರ್ಟ್‌(supreme court) ಸಲಿಂಗ ವಿವಾಹದ ಕುರಿತಾಗಿ ನೀಡಿದ ಮಹತ್ವದ ತೀರ್ಪುನ(Same Sex Marriage verdict) ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಎರಡು ದಿನಗಳ ಹಿಂದೆ ಅಂದರೆ ಮಂಗಳವಾರ ಸುಪ್ರೀಂ ಕೋರ್ಟ್‌ ಸಲಿಂಗ ವಿವಾಹಕ್ಕೆ(Same Sex Marriage) ಕಾನೂನು ಮಾನ್ಯತೆ ನೀಡಲು ಸುಪ್ರೀಂ ಕೋರ್ಟ್‌ನ ಸಾಂವಿಧಾನಿಕ ಪೀಠ ನಿರಾಕರಿಸಿತ್ತು. ಇದೇ ವಿಚಾರವಾಗಿ ದ್ಯುತಿ ಚಂದ್ ಈ ತೀರ್ಪಿನಿಂದ ಮದುವೆಯಾಗುವ ಎಲ್ಲ ಯೋಜನೆ ವಿಫಲಗೊಂಡಿದೆ ಎಂದಿದ್ದಾರೆ.
ಇದನ್ನೂ ಓದಿ: ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜಾ ವಿರುದ್ಧ ಎಫ್ಐಆರ್!
ದ್ಯುತಿ ಚಂದ್ ಮತ್ತು ಅವರ ಬಹು ಕಾಲದ ಗೆಳತಿ ಮೋನಾಲಿಸಾ ಇಬ್ಬರು ಸಲಿಂಗ ವಿವಾಹವಾಗಲು ನಿರ್ಧರಿಸಿದ್ದರು. ಅಲ್ಲದೆ ಕಳೆದ 5 ವರ್ಷಗಳಿಂದ ಇಬ್ಬರು ಜತೆಯಾಗಿ ಜೀವಿಸುತ್ತಿದ್ದರು. ಇದೇ ವರ್ಷ ವಿವಾಹವಾಗುವ ಯೋಜನೆ ಹಾಕಿಕೊಂಡಿದ್ದರು. ಆದರೆ ಸುಪ್ರೀಂ ಕೋರ್ಟ್‌ ಸಲಿಂಗ ವಿವಾಹಕ್ಕೆ ಕಾನೂನು ಮಾನ್ಯತೆ ನೀಡಲು ನಿರಾಕರಿಸಿದೆ. ಇದರಿಂದ ತನ್ನ ಮದುವೆಯ ಯೋಜನೆ ವಿಫಲಗೊಂಡಿದೆ ಎಂದು ಬೇಸರ ಹೊರಹಾಕಿದ್ದಾರೆ.
ಇದನ್ನೂ ಓದಿ: ಲೇಡಿಹಿಲ್ ಬಳಿ ಭೀಕರ ಹಿಟ್ ಆ್ಯಂಡ್ ರನ್ ಕೇಸ್ ಗೆ ಯುವತಿ ಮೃತ್ಯು ; ನಾಲ್ವರು ಗಂಭೀರ!
2019ರ ಮೇ ತಿಂಗಳಲ್ಲಿ ದ್ಯತಿ ಚಂದ್ ಅವರು ತಮ್ಮ ಸಲಿಂಗಿ ಪ್ರೇಮದ ಬಗ್ಗೆ ಮುಕ್ತವಾಗಿ ಹೇಳಿಕೊಂಡಿದ್ದರು. ಈ ಮೂಲಕ ದೇಶದ ಮೊದಲ ಲೆಸ್ಬಿಯನ್‌ ಅಥ್ಲೀಟ್ ಆಗಿ ದ್ಯುತಿ ಚಂದ್ ಗುರುತಿಸಿಕೊಂಡರು. ಇದೇ ವಿಚಾರವಾಗಿ ಅವರು ದೊಡ್ಡ ಮಟ್ಟದ ಟೀಕೆ ಎದುರಿಸಿದ್ದರು. ಆದರೆ ಯಾವುದಕ್ಕೂ ಕಿವಿಗೊಡದೆ ತಮ್ಮ ಸಲಿಂಗಿ ಪ್ರೇಮವನ್ನು ಮುಂದುವರಿಸಿದ್ದರು.
