Breaking News

ಉಳ್ಳಾಲ: ಅಕ್ರಮ ಗ್ಯಾಸ್‌ ಫಿಲ್ಲಿಂಗ್‌ ಮನೆಯೊಂದಕ್ಕೆ ದಾಳಿ; ಓರ್ವ ಸೆರೆ, 56 ಗ್ಯಾಸ್‌ ಸಿಲಿಂಡರ್‌ಗಳು, 230 ಲೀ. ಪೆಟ್ರೋಲ್‌ ವಶ

Share News

ಉಳ್ಳಾಲ: ಉಳ್ಳಾಲ ಕೋಟೆಪುರದಲ್ಲಿ ಅಕ್ರಮವಾಗಿ ಗ್ಯಾಸ್‌ ಫಿಲ್ಲಿಂಗ್‌ ಮಾಡುತ್ತಿದ್ದ ಮನೆಯೊಂದಕ್ಕೆ ದಾಳಿ ನಡೆಸಿರುವ ದಕ್ಷಿಣ ಉಪ ವಿಭಾಗ ಎಸಿಪಿ ಧನ್ಯಾ ಎನ್‌. ನಾಯಕ್‌ ಅವರ ನೇತೃತ್ವದ ಪೊಲೀಸ್‌ ತಂಡ ಆರೋಪಿ ಕೋಟೆಪುರ ನಿವಾಸಿ ಅಬ್ದುಲ್‌ ಅಲ್ತಾಫ್‌ (49)ನನ್ನು ಬಂಧಿಸಿ ಮನೆಯಲ್ಲಿ ಸುಮಾರು 56 ಗ್ಯಾಸ್‌ ಸಿಲಿಂಡರ್‌, 230 ಲೀ. ಪೆಟ್ರೋಲ್‌, ಗ್ಯಾಸ್‌ ಫಿಲ್ಲಿಂಗ್‌ಗೆ ಬಳಸುತ್ತಿದ್ದ ಸೊತ್ತುಗಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: ಪ್ರೀತಿಸಿ ವಿವಾಹವಾಗಿದ್ದ ನವವಿವಾಹಿತೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ

ಕೋಟೆಪುರ ಮೀನಿನ ಫ್ಯಾಕ್ಟರಿಯ ಎದುರಿನ ಮನೆಯೊಂದರಲ್ಲಿ ಅಕ್ರಮವಾಗಿ ಗ್ಯಾಸ್‌ ತುಂಬಿಸಿ ಮಾರಾಟ ಮಾಡಲಾಗುತ್ತಿದೆ ಎನ್ನುವ ಖಚಿತ ಮಾಹಿತಿ ಮೇರೆಗೆ ಎಸಿಪಿ ಧನ್ಯಾ ಎನ್‌. ನಾಯಕ್‌ ನೇತೃತ್ವದಲ್ಲಿ ಉಳ್ಳಾಲ ಇನ್‌ಸ್ಪೆಕ್ಟರ್‌ ಬಾಲಕೃಷ್ಣ ಎಚ್‌.ಎನ್‌., ರೆಜಿ ವಿ.ಎಂ., ಶಾಜು ನಾಯರ್‌, ಮಹೇಶ್‌, ಆಕºರ್‌ ಯಡ್ರಾಮಿ, ಶಿವಕುಮಾರ್‌ ಅವರು ದಾಳಿ ನಡೆಸಿ ಸುಮಾರು 56 ಖಾಲಿ ಮತ್ತು ಗ್ಯಾಸ್‌ ಫಿಲ್ಲಿಂಗ್‌ ಮಾಡಿದ ಸಿಲಿಂಡರ್‌ಗಳು, 230 ಲೀ. ಪ್ರಟೋಲ್‌ ವಶಕ್ಕೆ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: SSLC, PUC ವಾರ್ಷಿಕ ಪರೀಕ್ಷೆಯ ಅಂತಿಮ ವೇಳಾಪಟ್ಟಿ ಪ್ರಕಟ

ಅಲ್ತಾಫ್‌ ಉಳ್ಳಾಲ ಸಮುದ್ರ ತೀರದಲ್ಲಿ ರಾತ್ರಿ ವೇಳೆ ಮೀನುಗಾರಿಕೆಗೆ ತೆರಳುವ ನಾಡದೋಣಿ ಮೀನುಗಾರರಿಗೆ ಮಾರಾಟ ಮಾಡಲು ಪೆಟ್ರೋಲ್‌ ಸಂಗ್ರಹಿಸಿದ್ದು, ಉತ್ತರ ಪ್ರದೇಶ ಸೇರಿದಂತೆ ಹೊರ ರಾಜ್ಯಗಳಿಂದ ಆಗಮಿಸಿ ಸಾ ಮಿಲ್‌ ಮತ್ತು ಇತರ ಕಾಮಗಾರಿಗಳಲ್ಲಿ ತೊಡಗಿಸಕೊಳ್ಳುವ ಕಾರ್ಮಿಕರಿಗೆ ಗ್ಯಾಸ್‌ ಸಿಲಿಂಡರ್‌ಗಳನ್ನು ಮಾರಾಟ ಮಾಡುತ್ತಿದ್ದ. ಸಣ್ಣ ಸಿಲಿಂಡರ್‌ಗಳಲ್ಲಿ ತುಂಬಿಸಿ ರಿಕ್ಷಾ ಚಾಲಕರಿಗೆ ಮಾರಾಟ ಮಾಡುತ್ತಿದ್ದ ಎನ್ನಲಾಗಿದೆ. ಉಳ್ಳಾಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.


Share News

Leave a Reply

Your email address will not be published. Required fields are marked *